Hoi zämä

mier wön üs das gäld für en car sparä, da mier eh nid ä grossi rundreis wön machä am hochziit. drum chömen üseri gäst mit em auto zum hochziit. mier wers lieber, wenn sie noch em fäst nid sälber heifahren, will schliessli würd jo au alkohol trunkä. etz wür ich gärn en heimfahrtservice buechä, weiss aber nid gnau was am bestä isch.

zum einä chan mä einä mit em bus mietä

oder eifach nu dä bus, den bruchen mier aber no en fahrer (kumpel) wo die ganz nacht hi und här fahrt

oder gits no ä anderi lösig? wie hen ihr das glöst?

Dankä und Lg



Sid am 13.02.2009 verhürotet und am 02.10.2010 isch üserä grossi tag

Zuletzt bearbeitet am 15.08.2009

Sali Silver

Mir hei au so e Heimfahrservic organisiert gha. Und wo mir das üsne Gäst gseit händ hei alli gseit es sig nit nötig.

Sie wölle selber heimfahre!
Sie luege scho wägem verzichte etc. Und schlussendlich nämme jetzt nur mini Grosseltere und mini Eltere dr Fahrdienst in Aspruch!

Mi Maa het au den gfunde di Lüt sind alli gnueg alt zum wüsse was sie vertrage und am beste ( minere Meinig no verzichtisch) ob sie wänd trinke oder nit.
Und eigentlich gib i ihm do au Recht! Mir luege au immer wie mir heimchömme! Und sunscht wenn nimmer vo üs wött verzichte nämme mir es Hotelzimmer oder wenns echli nöcher isch es Taxi!
Also macht dir do nit so viel Gedanke!

Liebs Grüssli

Surri

nicht registriert

also mer möcheds eso wie d'surri gschrebe hed. mer gönd devo us, dass eigentlech alli erwachse gnueg send ond sälber mönd d'verantwortig öbernäh. mer düend ufem biilage-blatt bi de iladig druf schriebe, das üsi obe-location ca. en halbstond vo de meischte ewäg esch ond das mer aber kei shuttlebus zor verfüegig händ, dorom sölled sie sech doch bitte sälber organisiere met evt. fahrgmeinschafte etc.

dänke ned, das es es problem esch.

verliebt 23.04.06/verlobt 14.02.09/verheiratet 10.07.10

nicht registriert

also ech dänke, wenn d'lüüt informiersch das eine hesch, werd är secher brucht. well denn chan mer sech jo au druf istelle, das mer ned muess luege wägem fahre. söscht chönnt ech mer au vorstelle, das d'lüüt im vor hinein düend sech sälber organisiere ond sech dönd abspräche wer evt. fahrt.
ech glaube es esch sone variable poschte, wo mer halt erscht grad i däm momänt gsehd, öb är sech lohnt oder ned.


verliebt 23.04.06/verlobt 14.02.09/verheiratet 10.07.10

nicht registriert

ond jeh spöter de obe omso besser de wii!




verliebt 23.04.06/verlobt 14.02.09/verheiratet 10.07.10

das mitem nahfrage findi no guet.
Ich bin im septämber anere hochziit iglade, da chan me dete i de location übernachte wänn me will. und wänn me nid will isch me agfragt worde ob me en heimfahrtservice bruucht. ich finde das super so.