| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Piercing als Bruut?
 1 2 3 4
26.03.10 07:59
seeletaenzli 

Piercing als Bruut?

hoi zäme

esch vellecht es betz e komischi frog..
ech dänke onder eus brüütlis gets secher die eint oder ander wo es piercing hed... wie handhabed ehr das?
ech ben chli hin ond här gresse, well i ned weiss wie echs mache sell.
han 2 i de nase, eis a de underlippe ond eis am lippeband. das am lippeband werd i secher si loh, das fallt nur bim lache uf.

ech dänke d'piercings usenäh wär falsch... ergendwie köhred die zo mer.
andersiits donkts mi, das so piercings eifach ned zo nere bruut passid?
oder sell i eifach nur anstatt die schlichte, chine piercings wo ich denne ha vellecht chliini steindli dri tue?

vellecht hed mer jo öpper paart tipps oder stohd am gliche punkt.


-- ~ mer verTRAUED üs ~ -- ~ 21.05.2010 ~ --
26.03.10 08:43
silver83 

Re: Piercing als Bruut?

hoi seeletänzli
ich han au en nasästecker, werd dä dinnä lo. bi dier sinds doch einigi piercings, evt wür i nid so uffälligi neh. eher stecker mit wiisä steinli oder so. aber das söttisch immer no du si. also alles für dä tag usäneh, nur für dgäst oder elterä find i nid so guet. aber wenn du gern ohni würsch hürotä wills dier besser gfallt imnä schönnä brutchleid, denn wür i si usäneh und den derno wieder dri tue.

muesch au bedenkä, dass mä dlöcher zum teil sehr guet gsied, und das isch den au nid so schön, den lieber es schlichts piercing.

Lg

.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
26.03.10 08:43
speedy 

Re: Piercing als Bruut?

Hoi Seeletänzli
Am gliche Punkt wie du stand ich nid. Aber ich ha e Fründin wo pierced isch. Und ich cha mer die Frau ohni ihren spezielle Schmuck gar nid vorstelle. Si ganz use z näh find ich also genau so falsch wie du. D Lüt wärded vilicht scho chli luege, aber für das het me jo schliesslich Piercings, oder nid? Steinli dri tue tönd für mich au no lässig, chunnt halt druf a öbs denn nach dim Gschmack (und nur uf dä chunnts druf a) chli vil funklet i dim Gsicht.
Liebs Grüessli
Speedy
26.03.10 08:49
Franziska

nicht registriert

 Re: Piercing als Bruut?

Also ich find Piercing toll. Mein Mann hat an der rechten Augenbraue eines.
Er wollte es rausnehmen als er 30 Jahre alt wurde, da hab ich ihm den Vogel gezeigt.
Das gehört zu ihm wie seine Tatoos. Aber die sieht man nicht, da sie an den Oberarmen sind. Auch mit einem Kurzarm-Shirt sind sie verdeckt.

Ich denke das gehört zu dir, also lass sie drinn....

26. Juni 2010
26.03.10 08:50
seeletaenzli 

Re: Piercing als Bruut?

@silver
ech han scho zemli s'onuffälligschte denne wos ged...
mer gfalled uffälligi piercings ned eso. die wo ech etz denne ha send ganz eifachi stecker, ohni steindli, ohni öppis. ond zemli chli.

@speedy
äbe, ergendwie körhts zo mer. andersiits... fend is ned wörkli passend...
muen das met de steindli wohl eifah mol usprobiere.

-- ~ mer verTRAUED üs ~ -- ~ 21.05.2010 ~ --
26.03.10 08:52
seeletaenzli 

Re: Piercing als Bruut?

@franziska

wahrschindlech esch es genau das!
e grundsatzfrog, ob i s'piercing a de lippe sell usenäh, well il fend ech ben jo ken teenie meh
die i de nase send gar kes thema...

wäg dem ben mer wohl au unsicher wäg em hochziit.

-- ~ mer verTRAUED üs ~ -- ~ 21.05.2010 ~ --
26.03.10 08:59
silver83 

Re: Piercing als Bruut?

ok, han gmeint, hegsch diä risä ring mit chuglä dinä

aber so schlichti wür ich uf jedä fall dri lo. findä das persönlich gar nid störend an erä brut, bsunders, da sie jo zu dier köhren!

was seid den din ma derzue?

.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
26.03.10 09:02
seeletaenzli 

Re: Piercing als Bruut?

@silver
ou nei, das wör mer gar ned gfalle
min maa fend es köhrt zo mer...
ond eigentlech hed er jo scho rächt... weiss ned, werom dass i glich so unsicher ben...
vellecht äbe, wells bi mer e grundsatzfrog esch, ob ech s'piercing langsam mol usenäh möcht...

-- ~ mer verTRAUED üs ~ -- ~ 21.05.2010 ~ --
26.03.10 09:05
silver83 

Re: Piercing als Bruut?

aber den wür ichs scho vor em hz usäneh und nid erst am hz tag. fühlsch den sicher "leer" im gsicht. nimms doch mol für es paar täg usä, und lueg öbs dier so au gfallt. suscht bisch am hz und fühlsch di unwohl, ich wür mol so en "probelauf" machä.

.•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•..•:*¨¨*:•.
Sid am 13.02.2009 verhürotet und am 25.09.2010 isch üserä grossi tag
26.03.10 09:10
seeletaenzli 

Re: Piercing als Bruut?

@silver

jo, das wär wechtig... grad au, damet s'loch es betz mag zuewachse...
probiers vellecht grad das weekend mol us, wie ech mech so fühle ohni...
die i de nase fend i völlig okay, ond werd i au am HZ guet chönne träge.

-- ~ mer verTRAUED üs ~ -- ~ 21.05.2010 ~ --
 1 2 3 4
grundsatzfrog   verTRAUED   weiss-silber-glitzernd   seeletänzli   läbensanbschnett   lebensabschnitte   scholtereblätter   provvessioneller   schlussendlich   abenandschniide   Piercing   schlussändlech   selbstverständlich   onuffälligschte   lebensabschnitt   seeletaenzli   Schulternblättern   usegnoh   piercings   unkonventionelle