| Frust bei der Dekokomittee |
|
|
1 2
|
21.06.10 18:02
cosmologia 
|
Frust bei der Dekokomittee
Hallo zäme
Ich muess ez endli mol no Dampf abloh. Langsam gohts mr echt ufe Kecks 
Mir händ öbe 2 Wuche nach Bekanntgab vo üsere Hochzit und au sDatum bi üsne engste Kollege gfrogt, öb sie üs helfe tätet und de Obig inkl. Saaldeko übernehmed. Sie händ alli zuegseit und das isch vor 6 Mönet xi. Die, wo für dDeko verantwortlich isch, hät sich aber bis vorletsch Wuche gar kei Ziit gno für dPlanig für dDeko für de Saal. Ez chunt ihre in Sinn, dass es eng wird im Saal, de hämmer scho bueched ka bi de Bekanntgob vo de Ufgobe, und mir vilicht doch no anderi Alternative sölled go sueche. Üsi Hochziit isch keini 3 Wuche meh entfernt! Mir sind üs scho bewusst, dass es eng isch, aber xehnd do kei Schwierigkeit, di meischte kenned sich underenand und denn wirds ja eh erscht luschtig...
Zuedem chunt sie immer zu mir gsecklet, wenn sie wieder irgendwo es Problemli xeht oder es drum goht wieviel Bankrose, dass mir werdet ha (zwüsche 8 und 12). Wenn ichs selber hät wölle mache, häti sie ja nöd gfrogt, öb sie mir das chöni abneh. Es sind echt Müggli wo sie zum Elefant ufblost!
Ich han au vor öbe 4 Mönet nogfrogt, öb sie würkli das möcht für mich überneh und dass ich vo ihre Selbstständigkeit erwarte. Ich wött nöd andauernd mini Lösige für di verschiedenschte Problemlis (wo für mich eigetli gar keini darstelled) umgsetzt ha sus isch ja di ganz Überraschig weg.
##Zivil am 10 Juni 2010 -- Trauung am 10 Juli 2010##
|
|
|
|
|
|
21.06.10 18:08
cosmologia
|
Re: Frust bei der Dekokomittee
Sie hät zuedem no 3 Lüüt wo sie chönti beschäftige. Ich han ihre scho x mol xeit, es muess nöd perfekt perfekt sii, ich werd alles schön finde, wo sie mached.
Ez isch aber gad no dNochricht inecho, dass mir nonig am Fritig scho inechönd, dh sie chan dDeko nöd ufstelle und muess es wiiterreicht. Tja, denn chamer ja nüt ändere. Ez macht sie do au no es riise Theater aber ohni Lösigsvorschläg. Wenns Priis/Leistigsverhältnis stimmt, denn söll sies wiitergeh. Ansonste en anderi Lösig sueche. Es nervt mi eifach all die Problem für sie zlöse, wo a) für mich kei Problem darstelled und b) wenn sie sich meh Ziit gno häti und sich dem früehner gstellt hätti, hätte mr meh Möglichkeite ka.
Momentan gohts mr halt eifach ufe Sack und so kurz vor de Trauig chani das eifach nöd bruuche.
So, ez hanis xeit und es isch dusse. Danke fürs Zuelose  Fühlt sich scho chli besser aa...
Grüässli,
cosmologia
##Zivil am 10 Juni 2010 -- Trauung am 10 Juli 2010##
|
|
|
|
|
|
|
|
|
|
|
|
21.06.10 18:27
Carmile
|
Re: Frust bei der Dekokomittee
hey cosmologia
villicht hend mer au eifach all überhöhti erwartige..also ad selbständigkeit, denket vo allne, sie möset doch genau so selbständig und organisiert si wie mir. kei ahnig. villicht gend die einzelne lüt würkli ihres best und meinets total guet und hend sgfühl sie machets uf ihri art eso genau richtig. oder es fählt ne sfeedback. weiss es au nöd so recht. aber mengisch chunt denn sone komischi stimmig uf. sone mischig us du denksch der..nei, chans jo nöd si, söll sie eifach mache..sie denkt sich..hä? mer brüt sind total undankbar, schliesslich machet sie jo all das für üs freiwillig. weisch wie i meine?
i bin uf all fäll schlauer worde. werdi mol trauzügin, weissi genau wie i mi würd verhalte. eigni idee ibringe, aber zrugghaltend si, denn sbrutpaar bestimmt. immer und jederzit für sie da si, helfe wo i chan, überraschige selber iplane inkl. psychologischer betreuuig wenn dbrut kurz vor em dureflippe isch, über drüber happy isch oder zu tode betrübt. ganz im stil vom eine wedding plannerin buech wo i glese han (nöd zum film passend, eis usde sicht vonere trauzügin, total witzig). und dass i jetzt uf die eigeschafte cho bin, däfür hani glaub selber mol e hochzit möse hutnah erlebt ha.
grüessle
|
|
|
|
21.06.10 18:35
Franziskanicht registriert
|
Re: Frust bei der Dekokomittee
cosmologia, bei uns ist s änlich. Im Waldhaus findet am Freitag noch ein geburrifest statt, das heisst wir können erst ab Samstag 7 Uhr rein und Tischen und dekorieren.....
Viel geduld....
Lg Franziska
 26. Juni 2010/5tage
|
|
|
|
21.06.10 19:01
cosmologia
|
Re: Frust bei der Dekokomittee
Danke für all die rasche Antworte. Es isch echt schön zwüsse, dass mr nöd allei isch!
@elchalten: doch das hät sie mir tatsächli vorgschlage. Ich han sie gfrogt, wie sie sich das so vorstellt, genau wie du seisch zmitzt i de Hochziitssaison und 3 Wuche vor de Hochziit. Jo, do hät sie nöd vil dezue xeit. Ez hät sie mir es Mail gschribe mit em Satz "wir haben eure Einstellung zum Problem der Saalverfügbarkeit und Dekoration ghört. Ich denke nicht, dass sich was daran geändert hat." Sisch für mich im erste Moment chli inecho, als ob sie nöd zfriede isch mit dem. Aber ich sägs ihre glaubs würkli no einisch, dass sie do freii Hand hät und verwiise no uf di andere Mitglieder vom Hochziitsteam.
@carmile: das chan scho sii. Ich kenn die Unsicherheite absolut nöd vo ihre. Es isch ganz e neui Siite, woni vorher nöd kennt han. Was mich eifach recht erstuunt isch, dass sie wohrschinli a de meischte Hochziite xi isch vom ganze Team aber irgendwie nöd weiss, was sie söll entscheide.
Ich weiss au was du meinsch mit de Trauzüügin. A minere Trauzügin hani nüt uuszsetze. Sie isch bis ez würkli super xi und sie unterstützt mini Fründin für dDeko und hät au scho einigi Idee ka. An und für sich sötts funktioniere und nöd andauernd zu mir cho.
@Franziska: Mir chönd leider nöd det sii, wils doch recht wiit entfernt isch vo dehei und vo de Trauig. Mir würdet nie und nimmer fertig werde, wenn mirs am morge selber würdet mache. Leider isch üs immer verzellt worde, dass mir am Fritig ine chönd.
Lg
##Zivil am 10 Juni 2010 -- Trauung am 10 Juli 2010##
|
|
|
|
22.06.10 12:08
cosmologia
|
Re: Update Frust bei der Dekokomittee
Sali zäme
En chline Update hani diesbezüglich.
Ich han gescht Obig no relativ lang mit mim Maa drüber gsproche. Er isch ebe so ziemli sGegeteil vo mir. Ruhig, besonne, loht sich nöd ufrege wege so Sache. Naja, er hät gmeint mir sölled bis hüt warte bevor mir öbis säged.
Ich han es Mail becho mit sehr vil Detailfroge und Sätz, wo wie Vorwürf töned. Denn isch de Fruscht gad wieder überem Pegel xi. Naja, nacheme churze Telefonat mit mim Maa, hani mi wieder chöne sammle und han minere Dekoverantwortliche aaglüte.
Sie hät mr versicheret, dass ich nöd söll bös si für all die Froge. Tja, ich han die Froge beantwortet, wo sie bruucht und di andere, wo sie selber entscheide söll hani ihre erklärt, dass sie freii Hand hät. Sie hät zwor behauptet, dass sie gwüsses nöd gwüsst hät. Aber ich han das alles a dr 1. Sitzig duregeh inkl. Budget! Tja, es isch halt scho so lang her, dass sies nümm gwüsst hät und zuegeh hät, dass sie de Überblick verlore hät. Ez weiss sie aber, dass sie nur no söll zu mir cho, wenn sie sBudget überschriite muess oder öbis meeega wichtig isch. Es isch mr zwor nöd ganz recht so und ich han sGfühl ka, dass sie am Schluss no beleidigt xi isch. Aber wenn sis nöd mache chan, denn würdis sus wieder überneh...
##Zivil am 10 Juni 2010 -- Trauung am 10 Juli 2010##
|
|
|
|
|
|
1 2
|
Anmelden
