Merci vilmol mega lieb . Ha au Freud dra dass es so guet gange esch mit Siegel mache .

Hei cooli Idee wägem Chairdance, aso das überlegg ich mir glaub wörkli au mol. Wobi aso weni ehrlich bi weisi jo ned öb ich i de Hochzyytsnacht no fähig zumene sexy Tänzli wär , aber ev. nachem Zivile oder so....

Aber bi uf jede Fall meegaaa gspannt uf das Probetraining. Ha zwar chli Schiss dasi de Oberschämer risse will ich ha i de Ärm wörkli überhaupt kei Chraft, aber ha gfunde ich mues es jetzt eifach mol teste .

Hei übrigens ganz härzlichi Gratulation zu euchere Hochzyyt ! Ich hoffe, dir händ e wunderschöne Tag gha und das alles so klappet het wie dirs euch vorgstellt händ ?

Zuletzt bearbeitet am 07.03.13 07:40

@ Polefit, am Afang bruchsch no gar kei Chraft, das wird vorzue ufbaut. Do muesch dr kei Sorge mache. Unseri Klass het sone Chairdance Workshop gunne, aber ich bi nid gange wil ich in den Ferie gsi bi. Ich chönnts ev. amene andere Ort nochehole. Wer weiss viellicht träffe mer uns jo. Wobi ich öbe nid so uf die sexy-hexi sache stand , mich spricht halt dr spoprtlich akrobatisch Aspekt me a.

@ Hochzit, isch jetzt scho bald e Wuche her! Isch alles wie geplant glofe und en rundum glungene Tag gsi und ich han jedi Sekunde gnosse. Ich mach viellicht mol es eignigs Thema uf, wenn ich d' Föteli vom Fotograf ha. Ich will jo nid dis Thema do veriname, aber nur so am Rande, dr Avatar isch vo uns.

Liebe Gruess

Chickpea

Sooo ich ha no paar Sache gfötelet und tue die au mol no do ine. Im Momänt hämmer ned sooo viel z tue mit HZ-Sache, mi GG esch am Week-end no si Azug go ussueche (ohni mi, wot mi au loh überrasche ) und d Ring hämmer au chöne hole . Jetzt hämmer als grössere Poschte eigentli nur no d Blueme, det hämmer zwar scho Offertene, aber das müemer nomol genau zäme aluege. Sust sinds jetzt bi eus wörkli so Detailsache wo me sich denn mues überlegge und s Eheverspräche etc. wo mir wette, aber im Momänt stockt alles echli. Esch velecht au mol guet es Päusli ha zwüsche inne.

Bi im Momänt grad chli am überlegge wäge Gästeastecker. Mir händ ebe keini Namenstäfeli welle, aber euse Tätschmeister het gmeint für ehn wärs echli eifach wenn er ahand vomene Astecker oder so chli chönt identifiziere, wär zu de Festgsellschaft am Obe ghört und wer "nur" Apérogast esch. Hmmm das müemer eus nochli dure chopf loh go, mir wörde so Drohthärzli no gfalle, müemer mol chli usteste.

Datei-Anhänge

Drahtherz 1.jpg (23x) Mime-Type: image/jpeg, 41 kB

Das wär no s Danke-Schild für Fötelis für d Dankeschärtli (weisi nonig öb mir denn das wörkli bruche), und euses Vogelchäftig alias Cardbox. D Beschriftig etc. weisi nonig, ha eifach mol es Band draghänkt obe, aber weiss es nonig so rächt wie dekoriere, aschriebe etc. mol no luege .

Datei-Anhänge

	Cardbox 2.jpg (34x) Mime-Type: image/jpeg, 135 kB
	Danke-Schild.jpg (40x) Mime-Type: image/jpeg, 59 kB

Eve jööööö voll herzig die sache s armbändeli isch ja so was vo süess :D vo wo hender de??

hihihi

au cardbox super :D

Farbmässig wüsse mir au scho wäge de Blueme, aber Details wie wo was nonig ganz genau, stelle mirs eso i dem Stil vor:

Datei-Anhänge

	Sisaltüten.jpg (54x) Mime-Type: image/jpeg, 39 kB
	Anstecker Bräutigam.jpg (49x) Mime-Type: image/jpeg, 47 kB
	brautstrauss%2087.jpg (72x) Mime-Type: image/jpeg, 115 kB
	tischdekoration-mit-buntem-blumenkranz-2e.jpg (41x) Mime-Type: image/jpeg, 28 kB