Liebi elea,

Ach isch das schön, han bim lese richtig mit dir chöne mitfühle, so schön hesches beschriebe und es tönt nachemene wundervolle, unvergessliche Tag... das freut mi würkli sehr für eu... und ihr gsehnd eifach so glücklich us, das seit scho alles :)

Viele herzliche Dank für de Bricht, s isch immer sone Freud die z'läse :)

Danke vöööu vöuu mou för dä schöni Brecht Elea ond t Föteli! =)

Ond hey!
De Moment nachem "Ja" säge, de Moment wo mer rechtig förenand esch ond sech dörf hebe, küsse ond sech säge wie glücklich dass mer esch, das esch au för eus de allerschönsti Moment vom ganze Hochzit gsi

Es freut mi mega, dass euche Tag so perfekt gsi esch!

hallo saerli!

nei secher nd, hesch mi gg no gseh? aso bi eus vor osse? was het echt de gmcht?
jo mer hend so onglaublechsglöck gha metem wetter! chas jez nonid glaube!!! ke ahnig wie mer das verdient hend
jo det womer of de wiese legge, das gfallt mer au mega. es het sech so onnatürlich agfüehlt (vorallem weld wiese schräg gsi esch ond gg alles bluet i chopf gloffe esch ) drom hetti nie denkt dasses so schön werd ussgseh :)

jo wenni dra enke, dassi de tag nieme cha öberlegge werdi bez wehmüetig! ha gg scho gseit dass mer das doch jedes johr chönte wederhole. d chleidig, deko ond alles hette mer jo scho

apropo chleidig....
danke vell vell mol för dini helf metem chleid, dank DINERE tolle arbet hai m so super gfüehl em chleid! ond s schleifli wot dra gmaht hesch esch gold wert gsi. ohni dassi d schleppe het chöne löpfe, hetti nie so weld chöne tanze


jo gell de moment nachem jo sege, wo me sech eeeeentli döf hebe ond kösse, dasch perfekt...me cha sech rechtig lo gheihe ond esch so met allem em reihne..

i wörd mi au mega freude wenn mer eus weder mol gsend!!!