Zivilhochzeit 9. August 2013

Am Fritig Morge sind mi GG und i so nervös gsi dasmer no si go ichoufe und ufgruumet hei und no e Spaziergang si go mache und öppe 10 Kafis trunke hei ner hani mi afah parat mache und er isch mit sim TZ no is Waldhüttli go s elektrische vorbereite. Hamer bim Frisur mache öppe 50000 Haar usgrisse wüli so zablig gsi bi und kei Geduld ha gha Am 13.00h si ner mini Mädels cho und am 14.00h heimer üs aui vorem Zivilstandesamt Burgdorf troffe Mir si meeega nervös gsi und sobald mir ner unterschribe hei gha isch gad VIEL besser gsi

womer usecho sind isch dete e guete Fründ vo üs mit sire Frou überraschenderwiis mitemne Bluemestruus gsi und het üs empfangeKutsche het no genau 2 Plätz frei gha und so hei si de spontan ou no gad mit üs chönne mitfahre Kutschefahrt isch öppe 1.5 Stund durs Emmital gange und nach eire Stund heimer no mis Nichteli ufglade wo mis Bluememeitli wird si bim kirchliche und si het meeeeeeeeeega fröid gha...

Bim Waldhuus acho sind dete scho recht viel Lüt gsi und mini Muetter und Schwägerin hei ds Hüttli meeega schön no dekoriert und alles schön parat gmacht. Vo denn a sind immer meh Lüt itrudlet und mir heis uuuu gmüetlich und schön gha....Grillet, Apérölet, Dessert gässe, uuuu viel Gschenkli becho obwohl mir nüt hätte wöue.......Super isch gsi dasme sich so gäbig chli dusse und im Zelt het chönne verteile! Mini Schwägerin het mir ner no 3 rise Zuckerstöck organisiert gha und als Überraschig losgla wos dunkel gsi isch und mir hei überne Linwand und Beamer la alti und nöi Föteli loufe vo üs und allne awesende Gäscht und das isch super acho und isch u witzig gsi

I ha würkli e wunderschöne Tag döfe ha und bi mega dankbar defür.....

Sooooo schöööön

Jöööh! Gratuliere dier und dim MAA vo gaaanzem Härze! Ha fescht a eu dänkt am Friitig und es tönt als hätted ihr e super schöne Tag gha

hallo sue, au vo mir alles gueti zor hochzit! wönsche der ond dim maa alles gueti!!!!

Oh sooo schön Sue! Das tönt super. Fröit mi sehr für euch, ha fescht anech dänkt am Fritig! Merci füre Bricht.

und no 2....

Datei-Anhänge

Dessertbuffet.JPG (119x) Mime-Type: image/jpeg, 158 kB

wow sue, das si tolli föteli. du gsehsch wunderschön us i dem chleid

und dini nichte esch jo au zückersüess