Antrag A üsem 4.Jahrestag (20. April 2013) het mir min zuekünftige Ma de Atrag gmacht uf ÜSEM BÄNKLI! Es isch sooo härzig gsi wie ufgregt er gsi isch - und de Ring isch wunderschön
Zivile Trauung Di zivili Trauig machemer im chlinste Kreis am 7.April 2014 im Trauzimmer ide Dracheburg in Gottlieben TG (grad bi üsem Bänkli). Mir werded nocher in Konstanz go esse. Sind nonig ganz sicher wo, aber sind jo nöd so e grossi Gsellschaft das mir jetzt scho müested reserviere.
kirchliche Trauung Gottes Sege empfanged mir am 12.April 2014 ide Zwinglikirche Schaffhausen. Es isch e mega moderni Kirche miteme zuesätliche Ruum für de Apéro (sogar mit Chuchi). Ide Kirche sitzed dLüt uf rote moderne Stüehl und es het en riesige schwarze Konzertflügel
Farbe pink loves teal
Bis jetzt hemmer folgendi Sache erlediget
zivil: Datum reserviert, Trauzüge hend frei gnoh, Aleggi hämmer vonere vergangene Hochzit woni TZ gsi bin
kirchlich: Iladige sind verschickt - Homepage isch gmacht - Kirche scho zahlt - Sängerin und Pianistin sind beides Fründinne - Diakon wo üs traut isch en Familiefründ - Apéro isch ide Kirche - Catering für sEsse am Apéro isch unter Dach und Fach - Schiffahrt isch reserviert - Obiglocation isch reserviert - Menü besproche - Playlist für Party isch gmacht - Deko bestoht erscht im Kopf - Tanzkurs hemmer scho 2 gmacht - Fotografin het scho sEngagementshooting gmacht - dRing hemmer bim Goldschmied gstalted, dPrototype hemmer probiert und chönd di richtige Ring im Sept go hole - sBluememaitli und de Ringträger hend zuegseit
ah ja: und mis Brutklein hani voreme Monet gfunde (Nr. 1 war meine Nr. 1) und dBrutschueh hani im Brutlade probiert und denn in Dütschland kauft.
@Taeboyana: Da freut mi jo du seisches, mega gmüetlich. Etz nöd uuh prunkvoll und s'git sicher schönneri, aber sisch bi üs fascht vorem Huus, am See und gad bi üsem Bänkli
@Janedoe: Mir planed ebe chli schuubwies hani sGfühl zwüschedinne lauft nüt und denn amigs ide Schuelferie dases tätscht und knallt, hehe
@daenu: was hets de genau mit "euem Bänkli" uf sich? Heiter dert eues 1. Date gha oder dr 1. Kuss ? Bi üs louft d Planig o rächt schubwis. Aber zwüschine duets ou guet, we wieder mau öpis angers i Vordergrund chunnt und me chli cha e Pouse mache
Hm, mues de vielech o no en eigete Thread uftue... aber isch no chli früeh
ja das isch ebe folgendermasse: Wo mir 1 Monet zämä gsi sind bin ich TZ gsi und sHochzit isch in Gottliebe gsi (mir sind vorher no nie det gsi). Am Hochzit het denn de Fotograf es Foti vo üs gmacht...grad bi dem Bänkli (direkt am See) und mir hend so uf de See glueget. Mir hend gar nix bemerkt vo dem Foto und womiers denn gseh hend hemmer eifach immer gfunde, dases so symbolisch isch und mir so id Zuekunft lueged. Mega schöns Bild! Und womir jetzt 4 Jahr spöter nach Gottliebe zoge sind isches eifach (achtung kitschig) so schicksalshaft gsi und dass er mir denn auno de Atrag bi dem Bänkli gmacht het und mir üs det denn (zivil) sJa-Wort gend rundet di ganz Sach ab.
Da freut mi mega, dass ihr bi mim Thread mitlesed. I chönnti grad eui Hilf guet bruche...hetted ihr Lust mal üsi Homepage azluege? I bi immer chli dra und chönnt guet euri Rückmeldige bruche. Sie isch nonig ganz fertig, voralllem dWunschliste isch no gaaar nöd komplett! Aber wenn ihr Lust hetted schriebed doch, und denn schicki eu per PN de Zuegang!
Anmelden
Freue mi scho mitzlese! 
? Bi üs louft d Planig o rächt schubwis. Aber zwüschine duets ou guet, we wieder mau öpis angers i Vordergrund chunnt und me chli cha e Pouse mache 
Und das isch ja würklech mega romantisch mit öiem Bänkli!!!