Liebe Ellie und Schani

Ich stimme euch beide absolut zue, obwohl ihr versch. Variante für euchi Hochzit gwählt hend, sprich mit/ohni kirchlichi Trauuig. und einisch me chunt au wieder thematik uf mit em "c'est le ton qui fait la musique", sprich ob das forum als hitzigi politischi diskussion agluegt wird oder obs um en differenziertere ustusch goht, wobi ich klar für letschteres bin.

da ich ide kirche hürote ohni aber mit allem vode institution kirche iverstande zsi und zudem devolutionstheorie vertrete und somit dbible als reini überlieferig alueg, hani zumindest de idruck die zwei versch. "fronte" do im forum echli objektiver zgseh, bzw. fühl mi nöd vo de einte, no vode andere agriffe oder sunst öppis. wohrschinlich drum chanis au nöd verstoh, dass sich einigi ab de wort vode blumefee agriffe gfühlt hend. sie hät doch klar gseit, dass es ihri meinig isch, ich finde au nöd, dass sies abschätzend gseit hät. dass für all die unter üs wo zivil hürotet, szivile e sehr hohi bedütig hät und für all die unter üs wo zivil und kirchlich hürotet, es kirchliche wohrschinlich di grösser bedütig hät (sus würd mes jo nöd mache), lit doch ufde hand. find ich logisch in sich.

für mi persönlich isch es zivile au weniger wichtig. das isch e rein emotionali argumentation und i bin mer wie du seisch ellie bewusst dass me ohni zivile nöd maa und frau wär vor em gsetz und ide gsellschaft. für mi isch i dem punkt aber di emotional bedütig höher als die rational. dur das, dass skirchliche für mi wichtiger isch (us persönliche gründ, i mein es isch immerno es internetforum, do möcht me au nöd alles pris geh), hend mer de ganz hochzitstag a sich um die trauuig ume gstaltet. dur das erhaltet di kirchlich trauuig denn natürli nomol en höhere stellewert.

heisst konkret, für mi isch sbrutkleid spezieller wie es abetkleid, mit de wahl vom kleid verleihi jetzt natürli em kirchliche hochzit me gwicht, will i bewusst döt es wisse brutkleid azieh und bim standesamtliche es andere, natürli au schöne kleid. i möcht demit eifach di selbsterfüllende prophezeiige ufzeige, es goht ganz und gar nöd jetzt um kleiderwahl oder so. mer hend au sdatum vom kirchliche igraviere loh i üsi ring, obwohl es jo nöd seigentliche datum isch wo mer üs verbündet. aber mer hend das bewusst so gwählt, will wiederum es zivile di gringer bedütig für üs hät- heisst nöd gringere stellewert für all, aber für üs, wenn mer beid "events" mitenand verglichet. was für mich no en unterschied usmacht, isch, dass e kirchlichi trauuig ide regel persönlicher isch. mer hend üs mit üsne pfärrer 4h zemegsetzt und sind immerno am bespreche, dass es gliche mit em standesamt gmacht wird, hani zumindest bis jetzt no nie ghört. chani mer au ehrlichgseit vom administratische ufwand her nöd vorstelle. für mich isch die ussag kei abwertig all dene gegeüber wo zivil hürotet, zum das vorweg neh, sondern en reine fakt.

und was i als chlini anekdote zu solch hitzige diskussione no han welle sägä. i han gest es bewerbiggspröch gha und bin schaurig nervös gsi plötzlich. wo i denn e halb stund gwartet han ufs gspröch bini mit em natel mol kurz online und is forum. und siehe da, euchi spannende biträg hend mi so dermasse abglenkt, dass i scho fast dwelt um mi ume vergesse han und vor luter hochzit mer plötzli han möse sege, hey, jetzt aber ernsthaft, du häsch es bewerbiggspröch. wortfetze hin und her - es chan also au sehr beruhigend wirke

Hallo zäme

au mir hüratet i de chile und au eus isch s kirchliche wichtiger. klar, s zivile isch schlussendli und rechtlich das wo zellt... aber ohni de säge vo gott zehlts für eus nid. mir sind au nid die, wo regelmässig id chile gönd, aber mir glaubed doch a gott und dass er eus de wäg zeiget und vorallem, dass er eus zäme bracht hät.

Aber ich respektier alli wo nid s glich finded und drum nid i de chile hüratet. es muen für jedes pärli sälber stimme.

die Krönung unserer Liebe am 4.6.2010 und 2.10.2010

Ach Seeletänzli, wär het denn jetz das wieder behauptet? "Chirchlichi Trauig" mues nid unbedingt heisse, dass si im Gebäude "Kirche" stattfindet. Si findet aber uf jede Fall i de Gmeindschaft "Kirche" statt. Und Jesus sälber seit, wo zwei oder drei in meinem Namen zusammen kommen, da bin ich mitten unter ihnen. Du chasch also durchus au mit dim Maa in Wald, an See, uf d Bärge, packsch dir en Pfarrer und dä sägnet euch dört.
Is Gebäude "Kirche" gönd die meischte, wills zur Tradition ghört und die meischte Chilene jo denn au sehr gschmückt wärded. Übrigens händ die meischte Pfärrer au freud, wenn das Huus mol wieder gfüllt isch.

@seeletänzli
Jo denn begriff i di wieder, denn gönd die Brütlis wo dir das gseit händ lieber in wiss ufs Standesamt als id Childe, wenns würklich nur drum goht, dass si es wisses Chleid aziehnd.
Weisch, bi de Freichilene (won ich e Zit lang au gsi bi) sind mir überzügt gsi, dass jede sin nöchschte cha sägne. Wenn also mini "Schwöschter im Glaube" uf em Standesamt schafft, wärs durchus au dänkbar, dass sie uns ihren Säge git, denn schlussändlich isch jede Mensch, au de Pfarrer, nur s "Wärkzüg" wo dä Säge diräkt vo Gott witer git.
Aber denn isch mol d Trennig vo Chile und Staat igfüert worde. Und das find ich au absolut richtig. Drum han ich au welle (ok, müese, aber ich hätt au welle wenn ich nid hätt müese...) zerscht uf em Standesamt go hürote. Vor em Gsetz und vor em Volk, quasi. Ich freu mich nämmlich wahnsinnig, ändlich mim Liebschte sini Frau z si, mit allne Rächte und Pflichte wo das mit sich bringt.
Und denn i de Chile, vor Familie, Fründe und Gott.
Bi all däre Diskutiererei find ich aber eins au no schön: Immerhin mached sich die meischte um de Termin vo ihrer Hochzit umme wieder mol Gedanke über ihren Glaube, ihres Verhältnis zu Gott und ihres Verhältnis zur Institution Chile. Schlussändlich mues me eifach ehrlich si zu sich sälber und zu sim Partner. Aber lönd die andere au läbe, die wo halt ebe anders glaubed.

@speedy: danke, dein letzer beitrag ist super, insbesondere der zweite teil! denn darum geht es auch; die selbst gewurstelten rechte, die die französische revolution hervorgebracht hat! denn dieses erbe ist es, das wir im sinne des rechtsstaates verteidigen, wenn wir behaupten, dass standesamt sei für die ehe sehr wohl zentral (und hier liegt das problem von blumenfee, die chena vorwirft, nicht lesen zu können, selbst aber nicht das schreibt, was sie meint: für die EHE ist das standesamt nämlich auch für blumefee imens wichtig. für das HOCHZEITSFEST allerdings nicht).

@schusseli: i han genau sgliche denkt wo i de nora-lyn ihre bitrag glese han, nämlich dass es mir vorchunt, als würds nur de gott im christetum geh. vodem her findi de buddhismus spannend, will de türe minere meinig no wiiter öffnet und toleranter isch.

und nora-lyn: für mich mues me nöd di ganz bible vo a-z glese ha (by the way, dass zwüschet de zile glese werde mues und nöd wortwörtlich isch jo klar, es handlet sich um e überlieferig, um es symbolisches werk und nöd um e aleitig im wörtliche sinn). für mi isch es viel wichtiger, dass mer für sich de richtig weg im lebe gfunde hät, a SICH glaubt näbt em glaube wo me a gott chan ha, sschicksal selber id hand nimmt und minere meinig no no viel wichtiger: für anderi do isch, beste fründe und familie hilft wenns eim bruchet, sich däbi au selber chan zrugg stecke. do chan mer also jetzt chli krass gseit es zitmanagement-buech im reale lebe fast me helfe, will so schaffis zum für die lüt wo mer wichtig sind, do zsi, ihne zhelfe, ihne öppis guet ztue. für mich isch das definitiv wichtiger, für mich isch das de inbegriff vo liebi.

i han schaurig müäh mit zu starre asichte vo religion. i minere verwandschaft isch di ganz palette vo frei-evangelisch, über atheist bis streng katholisch vorhande..und was hät sich druss ergeh? nei, kei konstruktivi ustüsch, es liebevolls miteinander, sondern a jedere wiehnacht isch gstritte worde und jede hät gmeint er mös sich duresetze mit sinere weltaschauiig. grausam, wenn mer ade wiehnachte so usenand goht und dfetze flüget. drum han mi us allem immer useghalte und bin für e toleranteri sichtwiis. für mich gits nöd de eine wahre glaube ufde welt, nöd de eine wahre gott. glaube i wellere form au immer söll jede für sich selber finde.