Der eigene Vater macht Ärger, 12 Tage vor dem Fest... :-( |
|
1 2
|
|
|
02.09.10 10:59
mini84
|
Re: Der eigene Vater macht Ärger, 12 Tage vor dem Fest... :-(
ou liebi prisi, han dä thread erst hüt gseh!!! *drückdichfest*..
also ich finds ehrli gseit s allerletscht vo dim vatter.... hass und wuet hin oder her... du bisch und bliebsch sini tochter...
aber ja, anschienend hät das würkli kein sinn... ich würd ihn au uslade... (isch ihm ja anschienend grad no so rächt, wänn er ja dis Mami uf kein Fall will gseh und nöd uf Fötteli will... das isch ja eh nöd machbar....)...
Wiä wärs wänn dis Mami dich inebringt, oder dini Trauzüügin? Ich find es mues nöd zwangsläufig ä männlichi Person si.... geballti Frauepower wär doch au mal öppis....
ich hoffe jedefalls, dis Gspröch am Sunntig wird guet laufe, i welli Bahn au immer.... aber ebe, es isch EURE TAG!!!!!!! das isch s allerwichtigschte!!!
~~~~~sitem 17. Juli 2010 glücklichi Ehefrau~~~~~~~
|
|
|
06.09.10 15:38
Prisi9
|
Re: Der eigene Vater macht Ärger, 12 Tage vor dem Fest... :-(
@all: mir sind gester bi mim Vater gsi und händ äs guets Gspräch gführt.
Bin mit total gmischte Gfühl det anä gfahre, weil ich ja nöd gwüsst han, was uf üs zue chunt. Nacheme feine Esse, sind mir denn ziemli schnell und automatisch ufs "Thema" cho...
Nachem mir letzt Donnstig s zweite Gspräch mitem Pfarrer gha händ und biz gschilderet wie das i minere Familie ablauft, hät er üs grate, mir sölled üs doch nomal überlege, ob mir (falls min Dad nöd chunt) nöd doch wend mitenand inä laufe. Das wür denn au namal däfür stoh, das mir üses eige Lebe händ, und mit Altlaste tüend abschlüsse.
Heted mir ä schöni Idee gfunde, nachdem mir üs das namal überleit händ. Wär also üsen Plan B gsi. Nur bruched mir dä jetzt doch nöd. Min Vater hät sich entschlosse, das er chunt. Ob au am Abig, das tuet er denn vor Ort entscheide. Aber det wäri nöd bös, würs verstoh. Je nach Stimmig... Wäg dä Föteli hät er denn nur gseit, "er weli uf keis Föteli". Denn hani a Eui Kommentär denkt und ihm gseit, ich verstöch, das er mitem Mami nöd ufe Foti weli. Aber wenn mir inä laufed gäbs denn scho Föteli vo üs. Aber denn seged nur mir zwei druf und das seg ja nöd soo schlimm.. und uf mis "oder?!" hät er denn gmeint, nei das seg nöd schlimm. Das gäng guet.
Jetzt bin ich froh, chönd mir die letzt Wuche vorem grosse Tag no mit andere Sache fülle.
Dankä für Eui Biträg, händ mir also viel gholfe... *alliumarm*
<3 Unsere Grossen Tage: zivil 10.09.2010 und kirchlich 11.09.2010 <3
|
|
|
07.09.10 07:59
Saffira
|
Re: Der eigene Vater macht Ärger, 12 Tage vor dem Fest... :-(
Liebi Prisi
Freu mich mega feschd für dich das sich das klärt hät und din Papi dich, wiä dus dir wünschisch id Chile bringt!
Ich wünsch der diä Wuche na ganz viel Vorfreud und am Fritig und Samstig 2 unvergässlichi Täg wo alles so isch wiä ihr euch das wünsched!!!
glg saffira
*** wir sagen am 06.08.2011 JA ***
|
|
|
|
07.09.10 09:48
Soefeli82nicht registriert
|
Re: Der eigene Vater macht Ärger, 12 Tage vor dem Fest... :-(
Hallo Prisi
Ig fröi mi hölle mit dir, dass di Paps sich doch no entschide het mit sire, sicher wunderschöne Bruttocher, ine ds loufe!
Itzä cha nümme schiäf ga u am wucheend isches ändlech so wit! Ig fiäbärä richtig mit euch mit u wünsche euch no wunderschöni, entspannti, nid ds fescht nervösi Täg!
Fröiä mi scho, weni di im Hochzeit 2010 Teil 3 - Thread darf ufliste
LG Soefeli
** Es war einfach GIGANTISCH SCHÖN!!** **Zivil: 20. August 2010 * Kirchlich: 28. August 2010**
|
|
|
07.09.10 10:26
Franziskanicht registriert
|
Re: Der eigene Vater macht Ärger, 12 Tage vor dem Fest... :-(
Liebei Prisi, i wönsche deer vo ganzem Härze, das sech din vater jetzt am Rieme risst ond sech nöme om entscheidet.... Deer, euch wönschi no en schöni Zyt, zäme, gnüssed die Täg devor ond denn am 11. Sept es wonderschöns Fescht, so das es eifach för euch zwöi stemmt. Alles Gueti, Lg Franziska 26. Juni 2010, unser schönter tag....
|
|
|
|
|
|
1 2
|