21.01.08 13:38
madmadi  

|
Re: Finanzen
Mer hoffe, mer schaffe's mit Fr. 15'000.-- bi 65 gladne und total 150 Apéro-Gäscht
Mis Outfit het, vo Chopf bis Fuess, ca. Fr. 1600.-- koschtet, mi Schatz chauft äuä kei nöie Azug, wel er no en seeehr schöne het, woner no nie agha het (eifach es Hemmli und e feschtlichi Krawatte derzue, wo zu mim Chleid passt).
Mer fiire imene Partyruum mit Partyservice zu ca. Fr. 90.-- pro Person inkl. Grillbuffet mit Château Briant als Höhepunkt, Dessertbuffet, Getränk, Wy/Bier, Personal (Metzgerhalle Fahrwangen, macht ide ganze Schwiz Catering und isch trotz sehr günstigem Pris qualitativ top, mer händ si ou scho a anderne Fescht gha)
Üsi Fotografin isch nid en Profi, aber en gueti Amateurin und wird ev. (je nach Budget) nid de ganz Tag debi si.
D Iladigs-Kärtli hämmer sehr schlicht und trotzdem schön sälber gmacht - inkl. Couvert für Fr. 2.50 und för d Namens-Astecker hämmer ou grad no gnueg Material (Abschnitt wo mer no chöne für d Stanzform bruche) förig.
Dekoration wird äuä ou schlicht usfalle - do het mer d Frau Bastellädeli sicher ou en Idee (mir schwebt es grüens Band uf wisse Tischtüecher vor, wissi Roseblüete-Blättli, grüeni Hortensie-Blüetli und rundi Stei womer im Bach gienge go sammle mit de Näme vo de Gäscht druffe). I de Chile wetti eigentli ou nor es Chugeli Hortensie mit ere wisse Schleife ade Bänk und öppis chlises vorne.
D Unterhaltig wird üs vo minere Schwöschter gschänkt, wel si i dere Gruppe sösch sälber debi esch.
S Apéro macht äuä de Frönd vo minere Schwögeri irem Frönd sinere Schwöschter (puh) - är isch Choch - sehr günstig....
Auto nämmer es privats.
So simmer eigentli überall günstig gfahre. Nur öisi Ring wärde äuä chli tüürer, aber die wärde mer jo i Zuekunft ou jede Tag träge ond denn sött's eim scho gfalle - und wenn'd chli en exklusive Schmuck-Gschmack hesch... tja!
|