hoi muggi

danke alles no im grüene berich.... wirde zwar langsam närvös ga morn zum erstemal ga brutchleider probiere (brautperle) und am mittwuch gani de zu chez nicole! bi extrem gspannt!!!
gibe de es feetback....

u du hesch du dis chleid?? wie wiit sit dir mit der planig?

lg aschera

mir hürate am 15. august 2009

hallo muggi

so ändlich chani wider is forum u verzelle wies isch gsi....

ouso ig bi zersch id brutperle wüll ig ja ha welle miete... leider het die gueti frou öpis mit de ohre gha... u mindischtens zäh chleider bracht womer nid hei gfalle obschon ig ganz klar ha gwüsst wasi nid wot... zletschte chleid isch du afe sehr nah gsi... het aber zum miete ou grad fr. 100.- meh koschtet als die andere (kollektion 09) de hätti ouso knapp fr. 800.- zaut für es chleid womer solala gfallt.....

chli gfruschtet bini du dert use... im wüsse dasi am nächste tag e termin bi chez nicole ha...

das isch ganz nätt gsi... het ou würklich schöni brutkleider u sie isch fründlich u geduldig... was mi dh. eigentlich mini trouzügin het gstört (hami vo hinde nid gseh) es si alli brutchleider zum schnüere... u bi mir isch das gar nid ideal denn ig ha e schmali talie u sehr breiti hüft... und der stoff vo de chleider isch eher dünn weme mit anderne chleider verglicht...
fazit für mi stimmt chez nicole nid...

guet ig mues ou säge ig bi am vortag no spontan bi wicky brutmode igfloge... und das isch natürlich absolut der hammer so viel uswahl mega nätti beratere...

ouso ig bi fasch chli überwäutiget gsi womer d brutchleider si ga ahluege mir het fasch alles gfalle....
u de hani de eis anne gha für mi der absolut hammer... mini trouzügin hinde mir mit risige ouge u fragt d verchöifere isch dä pris fürs ganze chleid (2-teilig) u sie seit ja....
ig uf däm schämeli obe u ha dänkt ok was chunt äch da für e pris.... u de seitsine... ig bi würklich fasch ab däm schämeli gheit...
mis troumchleid isch keni fr. 1000.- u das neu!! ig has würklich fasch nid chönne gloube....

hätti alles vorhär gwüsst wäri als erschts zu wicky brutmode... dert stimmt würklich alles...

bi üs fählt no: abend location, iladige, namens/tischchärtli, ringe, blueme, azug, fotograf.... etc.
chunt mir grad nid i sinn....

lg aschera








mir hürate am 15. august 2009