Hallo zäma.

ÜSES Jahr hät agfanga!

Au miar hüratend im 2008. Wenn alles klappt am 18. April zivil und am 19. April kirchlich. - Also nur no 3 1/2 Monat....

Freua mi scho uuuuu fescht druf, au wenn i au mengisch (fascht jeda Tag ) d'Nerva verlüra wega da komplizierta Organisation. Au bi üs chömend sehr vieli Lüt us am Usland und denn treffend da no zwei Spracha ufanand und und und...... - trotzdem, gnüssa dia Vorbereitigsziit au total und findas voll spannend.

Jetzt im Januar gang i denn wegenema Kleid go luaga. Hoffentlich find ich öppis wo miar gfallt und passt.

Wär schön wieterhin vo euch z'lesa wia's so vorwärts gaht....

Hallo Ninic

Es scheint, als hätten wir einiges gemeinsam, auch bei mir kommen fast mehr als die hälfte der geladenen Gäste aus dem Ausland, bzw. haben wir dann auch das Problem mit den zwei Sprachen

Aus welchem Kanton kommt Ihr??

Und wie laufen Deine übrigen Vorbereitungen, hast Du bereits ein Restaurant gefunden?!?!?

Bis bald

nicht registriert

Hi Ninic

Stimmt, das wird s'Jahr vo de 2008er-Brüütli .

Hey, 3 1/2 Mönet isch ja ächt nimme lang... Hend ier denn vill scho organisiert (Chile, Restaurant, Pfarrer usw.)? Bi eys chemid zwar nid grad zwei Sprache ufenand, aber mier hüratid nid a eysem Wohnort, sondern eppe 3 Stund entfernt dett wo mey Schatz härchund. Us dem Grund giihd es au einiges z'organisiere mit Hotelzimmer, Afahrt usw.. und es träffid au vill Leyt ufenand wo sich nu nie gseh hend .

Wohär chunsch du denn?

Übrigens, ich han meys Chleid vo de Brautmode Wicky und bin ächt zfriede gsi mit de Bedienig und de Uswahl dette.

Würd mich freue vu dier z'läse...

Grüässli
Jovia

nicht registriert

Hi ninic

Hey, de hend ier ja aber doch scho einiges, ämu s'Wichtigste organisiert würd ich säge . Fählt ja eigentlich "nur" nu d'Musig für am Abe bzw. i de Chile und Bluemedeko. Oder ligg ich da falsch? Mier hend über d'Fästtäg einiges chenne erledige, sind bim Pfarrer und im Bluemelade gsi. Jetz mach ich mich denn mal as bastle vo de Tischchärtli... zum Glück hilft mier meyni Schwester .

Wohnt denn dey Fründ nu in Holland oder bereits hie? De cheibe Bürokram isch halt immer wieder es Problem dänk ich mier. Wohnid ier denn nachhär weyterhin i de Schweyz zäme? Drücke dier uf jede Fall ganz fest Duume.

A deym Dialäkt ah han ich dänkt chunsch vom Bündnerland . Mier hüratid im Bündnerland, gnauer gseihd im Engadin . Dett isch mey Fründ ufgwachse und seyni Familie läbt ai dett. Mier sind sehr oft im Engadin weil's eys beidne sehr guet gfallt , drum hüratid mier kirchlich ai dett.

Wohnid in Nidwalde, ich chume vo hie und mey Fründ schafft i de Nöchi .

Vo wo chunsch denn du Novia (tönt ja ächt ähnlich wie meyne )?

Liäbs Grüässli
Jovia

Hallo Jovia und Ninic

Wow, ihr sind echt supi im organisierä... i han fäng s'Kleid, dä Pfarrer (min Schatz isch hüt gsi go Azüg luegä). Aber üses grösste Problem isch immer no sRestaurant... hend all nonig srichtige gfundä, obwohl am Sunntig hend mir ä viellversprechends Gspröch im Schloss Oberberg Kt. SG.... Min Schatz chunt us Spanie und wohnt etz chli meh als drü Johr bi mir... insofern chönd Ihr eu jo vorstellä, wieviel Lüt us Spanie areise werded. d'Kirche hend mir scho usgwählt aber nonig bestätigt und diladige, sind erst a di spanische Gäst gange, wills für die eh nöd so ä Rolle spielt wie wa wo... i hoff es wird sich da Wuchäend entlich alles ergeh und i chönt entlich wieter mache, schliesslich isch nüm lang bis am 03 Mai

übrigens Ninic, bi am Weekend au a dä Hochziitsmäss....


Freu mi bald wieder vu eu zgöhrä....

nicht registriert

Hi Ninic

Mier hüratid am 29.2. zivil und am 19.7. kirchlich . S'zivile chund mit grosse Schritte nächer . Ah, die Gägend kenn ich nid wirklich guet, aber nateylrich vom verbeyfahre.

Hey, wie isch s'Gspräch mit em Pfarrer gange? Isch es s'ersti Gspräch gsi? Mier hend scho zwei gha und vorallem s'zweite isch ächt guet gloffe. Hend en junge Pfarrer wo letscht Jahr de Brüeder vo meym Fründ scho traut hed .

D'Ring hend mier scho, weil mier die jetzt als Verlobigsring trägid und bereits am 01.03. als Ehering ahend a de lingge Hand . Sind wiss-gälbgold und bi mier hed es es chleyses Steinli din. Was hesch du dier denn so vorgstellt?

Hey, gratuliere wäg de Schwangerschaft!!!!! Das isch sooooo schön, hoffe de dass es bi eys nach de Hochzeyt ai klappt mit Nachwuchs . Chund scho guet! Es gihd afigs ai ächt schöni Chleider für schwangeri Brüüt muess ich säge. Vorallem die Mode momentan isch ja passend für dicki Büch .

Grüessli und bis gli
Jovia