Sali Sidi
Das tuet mr den Leid für di. I glaub i würd so e Terror mache.
I wott ebe mol goh luege will i eigentlich nit plant ha es Chleid z' Kaufe sondern z' miete. I ha mir überleiht das i nit so viel Geld wott usgäh. Aber wenn i nüt passends find den wird i halt eis Kaufe. Unterdesse weiss i au nit ob i no is Cinderella wott,ha soviel schlechts ghört das es mi echli abgschreckt het.

Wo hürotisch den? Und hesch Du mir e Tip für e Sängerin oder e Musiker wo us dr Region isch?

I bi so voller Elan und ha s' Gfühl i chumme glich nit vorwärts. Mir hei no kei Chartli; Kei Pfarrer ( do mir im Freie hürote) und ebe kei Unterhaltig.

Danke für e Tip
Lg Surri

nicht registriert

Hoi Suri

I bi no lieb...smile, aber uf betonig vo no.
Ha grad diä Wuche nomol aglüetet. Sie hän no nüt chönne sage.
I gibene no ä Wuche und denn muess öbis go.

mir hürote in Wahle. hän ä mega tolle Pfarrer gfunde. mir hürote katholisch obwohl ich reformiert bi. Aber dr Pfarrer wird d Mäss so gstalde, dass au mi Familie (alli reformiert) öbis drvo wärde ha. Dass heisst es isch nid zsträng katholisch. Das isch mir no wichtig gsi.

Wäg dr Sängerin oder Musikerin, leider kenn i do in dr Umgebig keine. Bi mir duet ä Kollegin, wo e Gospelchor leitet singe.

Düen ihr z Bubedorf au grad s Ässe mache? mir gön ebe is Bad Bubedorf.

Sali Sidi

Jo mir möche s'ässe au i Buebendorf und händ au s' Bad Buebendorf ( catering) engagiert. I bi scho oft go ässe und es isch immer sehr guet gsi und au Service isch top. Es isch zwar nit ganz billig aber mir und mim Fründ isch s' Ässe ganz wichtig gsi und dorum gebe mir au gern echli meh us. Und viel türrer als es anders Restaurant isch es jo scho nit. Bi uns schloht halt no s' Personal wo du für's Catering bruchsch es grosses Loch is Portmonai.
Mir si beidi Katholich und dorum isch das nit so es Problem gsi, aber wo mir beschlosse händ im freie z' Hürote isch's plötzlich nümmi so eifach gsi. Kei Pfarrer het bis jetzt jo gseit. Immer heisst eigentlich hürotet me in der Chirche!!!! Fölige blödsinn i glaub nit das es irgend eim Gott dorum goht immene Huus z' hürote. und so suche mir halt immer no. Und wenn' s halt garn nit anderscht goht näme mir e freie Theolog.
Aber es sie scho no es bar sache offe.

I hoff sehr das, dass mit dim Chleid bald klappt.

Cu Surri

Hoi zämme

Au i bi e neus Brütli zwar usem AG aber wohne so nöch bi Basel...

Wenn händ ihr euch bide Gmeind gmolde für Zivile?

Liebi griessli

Sali Surri
So guet,wo wohnsch denn?
Aso mir möchte gern zivil am 29. August und kirlich de 12. sept
Do de August jo beliebt isch dänki frogi mol im februar ah oder

grüessli

Sali Muggi

I wohne i Aarau.

Du wägem afroge uf em Standesamt, teilwiss chasch ebe s' Datum für s' nächst Johr scho es Johr im vorus reservieriere. isch aber ebe unterschiedlich. Us erfahrig vo andere Brutpaar hämmer ghört das sie sunscht nit ihr Wunschdatum oder ebe ihri Wunschzit bechömme. Aber i denk sunscht isch Febuar sicher nit schlächt.

Wo chunnsch du den her? und wo wohnsch jetzt?

Schöns Öbeli
surri