Danke für's Willkomme

Jojo, i dänke, je nöcher de grossi Tag chonnt, omso meh kömmeret sech ou mi Schatz om alles. Es esch jo ned so, dass es ehn öberhaupt ned interessiert im Gägeteil - wenni en Vorschlag mache chonnt ame sofort s Okay oder s Geht-gar-nicht... nor a Eigeinitiative fählt's ehm no es Betzeli.

Das met em Delegiere hani ou probiert - met de Ring. Är söll emou Muster sueche, wo ehm wörde gfalle, damet mer chönd afo Prise vergliche. Mer händ drom so es Atelier gfonde, wo mer d Ehering sälber chönnti go mache ond wenn's ned vel türer esch als kaufti (es söll schint's sogar günschtiger si...), probiere mer denn das. Aber das esch weder öppis, wo ned das Johr no muess entschede si, dorom lot är sech seeehr vel Zit...

De 8.8.2008 esch öbrigens öise 10. Johrestag! I ha sit öppe föif Johr ghofft, dass mer denn wärde hürote ond am 8.8.2007 esch de Atrag cho - so spot zobe, dassi nömme demet grächnet ha...

Het för öich das Datum ou en spezielli Bedütig?

Grüessli usem Aargau (am Wohnort verschneit, am Arbetsort troche...)

Für üs hed s Datum nur insofern e spezielli Bedütig, dass mier gseid hend, mier wettid amene Schnapsdatum hürate und will üs d Zahl 7 ned eso guet gfallt, isch de 07.07.07 ned i Frag cho und drum isches jetzt de 08.08.08

Ich ha min Atrag au am 08.08.07 gmacht, aber das isch de meh en Liebesbewies als en Atrag gsii ;-) De Atrag vo mim Schätzi isch am 21.07.07 cho... wennt meh wettsch wüsse, chasch die ganz Gschicht under üserer Homepage go nacheläse (Rubrik "Jetzt au ganz offiziell...)

http://www.wirheiraten.ch/kenel-erni[/url]]

Danke für d Komplimänt...

Bi eigentlich ned würklich a de Kanti z Zug gsii... ha det nur es churzes Gastspiel für en Spezialkurs gäh. Glaube aso ned, dass ich din Onkel känne...

Ja, bi mier isches mit em Chleid ziemlich ähnlich gange. S erschte won ich gseh und agah han isches gsii. (Die ganz Story gfindsch au dadezue uf üsere Page *smile*)

Was hend iehr (bzw. du, ;-) ) de süsch scho alles organisiert usserm em Chleid?

Es Grüessli

cannella

Das Problem mit em Apéro känned mier. Wettids au grad i de Nöchi ha, aber bi üsere Kapelle döfsch kei Apéro verusse mache, will das eigentlich en Privatbsitz isch und die kei Lärm und "Dräck" wennd. Jetzt simmer im aliegende Park. Wenns guets Wätter isch, isch das au absolut keis Problem, aber wenns rägnet... Händ üs au lang de Chopf zerbroche und nach Alternative gsuecht, aber es isch ned eso eifach, da mier ca. 300 Apérogäscht erwartid. Jetzt hemmer als Rägevariante es Zält, wo mer denn det ufstelle lönd.
En Apéro ohni Alkohol chönnt ich mier jetzt ned vorstellä, irgendwie ghört doch so es Gläsli Wii, Schämpis oder au nur es Bierli scho dezue. Vorallem han ich eso s Gfühl, wemmer kei Alkohol usschänkt, de hend d Gäscht evt. no s Gfühl es rüüt eim... Mier sind beidi no inere Guggemusig und i es paar andere Vereine, de giengt das sowieso ned ;-)

Mier hend üs au langsam Gedanke um d Chärtli gmacht und lönd sie de bi www.karten-mal-anders.de drucke. Mier wettid äbe scho es Chärtli mit emene Föteli vo üs druffe, aber glich nüd 08/15. Und wemmer sie in Dütschland lönd lah mache, choschtet üs es Chärtli nur öppe 4.- CHF, was ich finde isch total in Ornig. Das findi jetzt no guet, dass du au vom Februar fürs verschicke redsch, sind üs da äbe ned eso sicher gsii, wettids aber eigentlich au denn verschicke.


Grundsätzlich wärid mier parat, wenns müesst sii chönnted mier au scho imene Monet hürate. Ehrlich gseid isches üs sogar fascht echli langwillig im momänt, will mer schlicht und eifach nüd chönd organisiere. Irgendwie isches fürs fählende eifach no es bitz z früeh. Ha richtig freud gha, won ich gester ändlich wieder mal zum Coiffeur ha "döffe" und mier d Frisurtermine hend chönne bespräche. Grad vorig hani no d Termine mit de Kosmetikerin abgmacht. *Jupiduuu*

Wirde scho wieder ganz chribelig und freu mich soooooooo!!

Das mit de Chilemusig isch irgendwie ned eso eifach... mier wettid unbedingt, dass üses Lied (I belong to you vom Eros & Anastacia) gsunge wird, aber es isch rächt schwierig es Duo z gfinde, wo das cha singe und ned grad es vermöge choschtet. Ich finds chli verruckt, 600.- oder noh meh für 2-3 Lieder uszgäh.

Das mit de Unterschrift find ich gar ned eso mega blöd, d Vorfreud isch halt scho die schönscht!!
Ha übrigens vor ca. 5 Mönet scho öbbis ähnlichs i die richtig gmacht. Mier hend früsch züglet und ich ha de d Namensschildi für s Lüüti und de Briefchaschte grad au no mit em gmeinsame Name lah afertige, so isches grad i eim gange und mier müend üs um das nächscht Jahr ned nomal kümmere *smile*

Es Grüessli us Küssnacht mit strahlend blauem Himmel und schneewiiser Landschaft *soooschöndassichwiederJatzhütte-Heiwehüberchume*

Cannella

Wemmers vo dere Sicht aluegt, hesch au wieder rächt. Das mit dere 0.5 Promille isch äbe amene Hochziit scho chli es Problem.

Das isch bi üs no guet, d Chile, de Apéro und s Nachtässe isch alles imenen Umchreis vo 5 -10 Min., z Fuess *smile*

Grundsätzlich find ichs aber sowieso respäktlos, wemmer sich als Gascht amene Hochziit eifach volllaufe lahd... aber bi üsne gladne Gäscht isch das ned eso es Problem. Die settid alli es gwüsses Mass a Astand ha

Nei, die Chärtli sind würklich günschtig. Und bi dene 4.- CHF sind de d Couvert au scho debii und mier hend guet grächnet. D.h. de Euro-Kurs chönnt au no um es paar Rappe stiege (Was mer natürlich ned hoffed)und mier sind mit dene 4.- immer no guet dinne. Gäll, wemmer e gwüssi Vorstellig hed, de muess es eifach so sii. Ich wett zum Bispiel umbedingt mit Perlmutt-Papier. Zum Glück hend sie det jetzt grad en System-Umstellig und chönd das nachher au mache *ganzvielfreud*

Wemm seisch das, bi au die längscht Ziit im Netz.... aber schliesslich gahts ja um üses Hochziit

Hallo Sonne

Schön, wieder eine Parallelbraut *smile*

Konntet ihr euren Termin beim Zivilstandsamt bereits reservieren? Wir können das erst 6 Monate im Voraus! Muss also noch ein bisschen Geduld haben, aber ich denke die werden mir sicher ein Geburtstagsgeschenk machen wollen und werden ein Plätzchen für uns haben.

An den Einladungskarten sind wir momentan dran, müssen unsere Fotos dafür noch machen. Werden uns in den nächsten Tagen mal mit unserem Fotografen in Verbindung setzen. Wissen aber schon ganz genau, was wir möchten und wie unsere Karten aussehen sollen. Sind langsam kribbelig, schliesslich gehts nur noch 7 Monate!!

Liebs Grüessli

Cannella