| Passwort vergessen?
Sie finden uns neu unter HOCHZEIT.ch
Sie sind nicht angemeldet.  Anmelden

Hochzeitsforum 
›  ›  › 
Bräute 2013
 1 .. 1408 .. 2814 2815 2816 2817 2818 .. 3288 .. 3757
27.09.13 07:48
dandi78 

Re: Bräute 2013

Guete Morge zäme

Geschter esch eusers Video cho!!! Es esch soooooooooooooo schön, mir heis grad zwöimou nachenand gluegt. Es esch so wunderschön gse, dä Tag no einisch dörfe erläbe mit all dene Emotione... eifach der HAMMER!!!

All dene wo noni verhürotet si chani nur empfehle: buechet e Videograf. Es lohnt sich!

Mi Ma esch am Afang vo dere Idee nid so begeischteret gse. Geschter (nachdäm dass mir s'Video zum zwöite mou gluegt hei ) het er zu mir gseit: näbe däm, dass bi mim Hürotsatrag jo gseit hesch, esch das die beschti Idee gse, wo du je gha hesch.

LucyLu, wie esch dis Album worde? Be sooooo gspannt...

Ah und übrigens, mir wärde au de Hochzitsgäscht zum Dankeschärtli no Föteli derzue due. Finde das ebefaus e tolli Geschte und das wird vo de Lüt sicher gschätzt.
27.09.13 08:21
Emma13 

Re: Bräute 2013

Guete morge zäme :) s isch Friiiiiitig

@Dandi oooohhh soooo schön, freut mich sehr für eu, jööö so herzig was din Ma gseit het, ich glaub au es Video löst eifach anderi Emotione us, freu mi au scho sehr wenn mir denn mal euses überchömet :)

Mir hend d Dankeskärtli leider nöd übercho geschter, hoffentli sinds hüt da... Mag chum warte

@LucyLu nimmt mi au mega Wunder, wie isch s Album worde?

27.09.13 09:33
LucyLu  		Re: Bräute 2013

Guete Morge mitenand!

Ohhh das tönt mega schön Dandi, freut mi sehr für oi!!! Ich ha ebä zerst nie en Videograph wellä und nachher hani min Maa nöd chöne däzue überrede und das en Verwandte chönnt Filme hani nöd dra denkt, das isch natürlich super bi dir Emma. Schad sind d'Chärtli nöd cho, hoffe für dich sie sind hüt im Briefchaste.

Zu mir: oises Album isch de Hammer worde!!!! bin meeeeeeeeega begeisteret, isch genau so worde wie ich mir das Vorgstellt han. Bin mega froh drüber. Tue na genauers im andere Theard inne schriebe.
27.09.13 09:43
Emma13 

Re: Bräute 2013

@LucyLu das freut mich sehr, tönt super, so schön... muess denn grad go lese im andere Theard, han mi nämli immernonig chöne entscheide :)
27.09.13 09:46
dandi78 

Re: Bräute 2013

@LycuLu: Hey so schön! Das esch doch toll dass s'Album genau so worde esch, wie du dir das vorgstöut hesch. Esch sicher es tolls Gfühl wenn das jetz chasch aluege!

Eg ha geschter wieder chli Abieter vergliche. Bis jetz si Cewe und Smartphoto mini Favorite. Mou luege, be jetz sehr gspannt uf din Bricht, LucyLu.

@Emma13: Schad si d'Chärtli nid cho. E drücke der Dume dass der si hüt überchömet!

27.09.13 09:48
LucyLu  		Re: Bräute 2013

http://www.heiraten.ch/forum/board/versc...8_292_8.html#74
27.09.13 12:13
Canoa 

Re: Bräute 2013

Emma13:
Mir werdet das au so mache mite Dankeskarte, han glichziitig jedem sis Gruppe/Familieföteli entwickle lah, demit mär jedem eis is Couvert chönd bilegge, ich find das no schön, denn hends au no es Föteli vo ihne debi :)


Das möched mer au so, muess aber zerst no useschriebe wievöu Föteli ech genau muess ha. Hemer doch 150 Apérogäst gha...
27.09.13 12:19
Canoa 

Re: Bräute 2013

Ech mäude mech au weder mou...has grad chli sträng...

LucyLu ech bereues ergendwie au oder fendes eifach schad hemer kei Videograf gha...
aber euse Tanz hed eusi TM gfilmet, das bechömemer morn....

Dandi es freut mi sehr, dass euches Video genau so usecho cho esch wie ehr euch das gwönscht hend. Esch jo au eher speziell sech säuber so zgseh! =)

CoRa Hàrzlechi Gratulation au der zor Schwangerschaft...

Emma...ech gloube mer hend öbe glichziitg t Pille abgsetzt ond fönd gloub au öbe glichzitig afoh üebe...soooo lostig...Im Momänt merki no kei Näbewerkige vo Pickel oder so...bzw. ned trageschi...
de letscht ES esch eifach anderst heftig gseh, ha nöme chönne ufstoh, so brutali Chrämpf gha, aber de Körper muess sech jetzt mou dra gwöhne ond ech wot mech ned stresse, eis nochem andere....
27.09.13 12:57
Emma13 

Re: Bräute 2013

@Canoa, säg nüd... mir zwei hend eifach viel Gmeinsamkeite :)

ich weisses nöd... ich merk grad gar nüd, weder Pickel, no suscht irgendöpis... min ES het gemäss Kalender letzt Wuche söle stattgfunde ha, ich han aber überhaupt kein Unterschied zu andere Täg gmerkt... mmmh...

27.09.13 13:18
Canoa 

Re: Bräute 2013

darum wärs au mega spannend alli zgseh ond persönlech zkönne lehre am Ehefroueträffe...=)

Be gar ned motiviert zum öbis mache, hät vöu tzue aber mage gar ned...
 1 .. 1408 .. 2814 2815 2816 2817 2818 .. 3288 .. 3757
richtig   gspannt   schnell   langsam   vorallem   irgendwie   einfach   natürli   eigentli   Problem   natürlich   Zuletzt   Hochzit   bearbeitet   Zeremonie   himbeer   Kollegin   wirklich   schaffe   eigentlich