Hallo Zäme

Meld mi nur churz, bin langsam nervös und uuuh gspanne, ha am Frietig mis Polterweekend. Freui mi riesig au wenn mir s'Wetter churz en Dämpfer gäh hät, es wird eh meeeeega lässig mit mine Ladies!!!

All wo Morn, am Frietig und am Samstig hüratet, denk a oi, gnüssets und alles gueti!

Hoi LucLu,
Ech be mer secher dis Polterweekend werd de absoluti Hammer. Hoffe, du channsches de chli gniesse ond dech scho mou chli aus zuekönftigi Bruut lo fiire!! Langsam röcks emmer nöcher, es get emmer meh Brütli, wo zo Ex-Brütli wärde. Iez esch haut Hochsaison för d Hochsige. Hoffemer, s Wätter wärdi de no chli besser för alli.

nicht registriert

Guete Morge zäme..
I gseh grad, die Wuche da isch d Brütli-2013-Wuche...
Eis nam andere hüratet.... Wünsche aune e wuuunderschöne Tag

Jo do goht würklich grad voll dPost ab mit all dene Hochzite
Das git mir nöchst Wuche wieder e Stress zum die ganze Bricht lese Aber i freu mi scho druf!

Ha no churz e Froog, stand grad e chli ufem Schluuch. Und zwar bini grad echli im Internet am Idee sammle für dFotografin. Mit dere hei mir nämlich morn Besprechig. Und denn isch mir ufgfalle das sBrutpaar i der Chilche au muess unterschriebe?