05.12.11 12:02
nimbini    

|
Re: Alles, was nichts mit Hochzeit zu tun hat ;-)
@prinzessin, ja klar, gib der dänn bscheid, wie's isch! ja ebe, ich han eifach dänkt, mir planed mal für nächste mai, so e wuche bis 10 täg, wär ebe scho cool! und dänn gsehmer ja immer no, obs dänna u klappt, wobi, wänni mir öppis vornimm, dänn chunnts au meistens so 
@carmile, ja vegas mit mim maa isch scho au ok, aber macht lang nöd sooo spass wie mit de girls! isch eifach andersch, so würklich go party mache und go tanze gaht halt mit ihm nöd, da isch es dänn scho meh chli d'stadt abchecke, shopping, ässe und gamble.... finds cool, dass mir nach de wiehnacht no kollege träffed in vegas, so wirds au wieder chli andersch als nur zweite.... und am silvester sowieso!
ach weisch, ich dänke eh nöd, das es jetzt scho wird ischlah, drum machi mir da gar nöd soviel gedanke drüber! ich mag mich ehrlich gseit au gar nöd entscheide, ob ich jetzt chind will oder nöd... wänn mirs nöd versueched, dänn bereu ichs ja villicht irgendwänn, wänns dänn ebe nüme kappt und das möchti eigentlich nöd! drum machis mir relativ eifach und lahn da die höcher macht entscheide, obs söll si oder nöd! wänns chömed, dänn chömeds, wänn nöd, gaht mini welt au nöd unter und bis es sowiit isch, gnüss ich eifach mis läbe no chli und mir tüend chli, uf was mir grad luscht händ! ich känne ja min zyklus mittlerwile au ohni irgendwelchi hilfsmittel relativ guet, da ich jedi veränderig gspüre, vo dem her chani au säge, wänni fruchtbar bin oder nöd.... aber ebe, mängisch dänki, solang ich nöd so 100% bereit bin, werdeds eh nöd cho... ich bin mer aber au sicher, dass wänns halt glich würdi ischlah, würd ich mich nach em erschte schock doch au sehr druf freue und mich dänn chönne druf istelle.... aber ebe, es isch eifach nöd so, dass ich jetzt uf büüge und bräche muess chind ha, nur wil mir ghüratet händ! ach isch chli schwierig, zum erkläre, mini momentani gfühlslaag 
|