Ja, am Samschtig büüted's nur am Vormittag Termine aa.... am Friitig chan mer dä ganz Tag, glaub sogar jede Friitig, nöd nur wie am Samschtig eimal im Monät.....
Aber dä 11.30 Uhr Termin isch glaub dä begehrtischti - ich drucke dir uf jede fall d'Düüme, dass es bi eu au mit em Wunschtermin klapped!! Wänn händ ihr im Sinn, z'hüürate?

im september 2013 isch de plan.
mir händ scho länger drüber gredt und jetz müend mer glaub eifach mal nägel mit chöpf mache...
händ das weekend mal chli gnauer welle luege. schins gits denn scho no en offizielle atrag hät mini besser hälfti gmeint... aber ich würd scho gern langsam mit plane afange, ich denk da cha mer nöd gnueg ziit ha.

ähm natürlich dä 28. Sept. 2013..... die Jahreszahle immer.... hihhii

es isch au gar nonig sicher öb mer würkli s zunfthuus bruched oder öb s trauzimmer nöd au langt... denn wärs ebe wahrschinli eher afang september. oder glich august? ich ha ebe am 27.8 no geburi, das isch vilicht au doof... ah ich ha kei ahnig

ah ok, ja mir ebe au... das isch au no sonen punkt.
also am abig gits wahrschinli scho no fest mit meh gäst, aber denn fehlt ja de offizielli zeremoniecharakter irgendwie wo i de chile halt häsch. ich ha mer drum überleit eifach die standesamtlich trauig mit praktisch allne gäst z mache quasi als ersatz für d chile. die ander varainte wär e chlini standesamtlichi trauig und defür no irgend e zeremonie am abig a de festlocation. da hani aber au kei ahnig, haha. die ritualbegleiter händ oft öpis esoterisches und das isch gar nöd miis.

nei hani nonig gseh... muess grad mal luege.

ou ja so chli isch au schön... aber nur scho mini enger familie sind ca 20 persone, sini namal 10... und uf fründe chani und wotti au nöd verzichte, det fangts scho ah... haha.

ah mal luege, ja ich hoff das mer einigi sache chönd bespreche das weekend. ich denk amel so ich ha ja nonig mal de atrag, vilicht sötti no warte...