Juli 2011 (2) | Anlässe › Hochzeitstag

Sie finden uns neu unter HOCHZEIT.ch

Startseite Hochzeitsforum

Sie sind nicht angemeldet.

Anmelden

›

›

›

1 2 3 4 5 .. 15

09.04.11 17:43
Schlumpf79

Re: Juli 2011

Hoi Trinidattli

Ich finds au schön, dass es nu andri Brüütli gid, wo au im Juli dr gross Tag händ!
Mer hend morn ds erste Treffe mitem Pfarrer, nächst Weekend e CrashTanzKurs
Und endi April e Termin mitem Florist. Sus müemer nu mitem Fotograf mäl zämehöckle, NamesChärtli und Tischchärtli bastle und de Sitzordnig mache, wenn dAmeldeFrist (30.4.) düre isch. Ansonste simmer rächt nache. Wie gsehts bi dier us?

Liebs Griässli Schlumpf

* mier freuet üs ufe 2.7.2011 und säget JA zunenand *

Zitieren

09.04.11 17:44 Schlumpf79	Re: Juli 2011 Ou ha nu epis vergesse.... und zwar müemer nu üsi Hochziitstorte gu ussueche....mmmmh feiiiin * mier freuet üs ufe 2.7.2011 und säget JA zunenand *
	Zitieren

10.04.11 07:08
trinidattli

Re: Juli 2011

So witzig üsi Amäudefrischt isch ou bis am 30 Aril.

Wäge de Blueme müesse mer ou no luege. Ond s Probeässe steit no us. S erschte Gspröch mitem Pfarrrer hei mer scho gha. Wüsse aber leider noni so rächt wiemer das mache mit de Musig ir Chile.....

Am Tischkärtli u Namensschöudli baschtle bini ou no. Ond natürlech chöi ou mir d Tischordnig erscht mache, wenn aui Amäudige zrugg si.

Ond nöchscht Wuche hei mer no d Besprächig mitem Standesamt.

Zitieren

10.04.11 12:25
Schlumpf79

Re: Juli 2011

Mier isches wichtig gsi, dass mier nach dr AmeldeFrist nu gnueg Ziit hend bis zum Hochziit. Chan mier sehr guet vorstelle, dass mer bim einte oder andere muess nachefrage
Mer hend üs mal vorgnu, dass mer mitti Juni fixfertig mit allem wend sii, dass mer nuchli chend dureschnufe bim am 2.7. Aber ob das klappet.....

Weg dr Musig idr Chile simmer üs au nuni ganz schlüssig, hend afe sicher en Sängerin wo sAve Maria sing. Sus wemmer nu eis,zwei Lieder vomene Organist gspielt ha. Fragid hüt de grad dr Pfarrer, ob er ev. en gueti Idee het.

Liebs griässli Schlumpf

* mier freuet üs ufe 2.7.2011 und säget JA zunenand *

Zitieren

11.04.11 14:10 trinidattli	Re: Juli 2011 Büs gsehts ähnlech us. Heinis ou vorgnoh, dass mer im Juni nümme vöu müesste mache. Mou luege ob de das würklech so usechunnt. Dänke mir wärde de denne sicher no Sache ifaue woni völlig vergässe ha, aber doch no umbedingt wetti Mir hei üse Pfarrer ou gfrogt gha. Si nis aber glich noni so schlüssig. Aber hoffe, dass mer de ou fürd Musig ir Chile no e Lösig finde.
	Zitieren

11.04.11 21:08
Schlumpf79

Re: Juli 2011

Mer hend ja gester üses Treffe mitem Pfarrer gha, hend sEhedokument usgfüllt und dr Ablauf vodr Trauung besproche. So cool, er het üs au grad en Organistin organisiert! dLieder für Trauung duet sie selber ussueche, isch üs au grad recht, mer findets nämlich sehr schwierig das z`entscheide. Usser sAveMaria, das isch ja scho mal fix.

* mier freuet üs ufe 2.7.2011 und säget JA zunenand *

Zitieren

14.04.11 17:37 trinidattli	Re: Juli 2011 Judihui, si hüt ufem Standesamt gsi. s formella wäri auso greglet S chunnt so langsam nöcher.
	Zitieren

14.04.11 18:00 sinna	Re: Juli 2011 @ schlumpf han das no niä kört gad das organistin liedo usseuche tuet.. also für mich wär das nix.. isch den das normal???
	Zitieren

15.04.11 15:23
Schlumpf79

Re: Juli 2011

@sinna: Weiss nid was nurmal isch....hürate schliessli serste Mal sorry, nid bös gmeint

Mer hent üs da drüber gar kei Gedanke gmacht, ob das richtig isch, dass dOrganistin dLieder ussuecht, oder nid!
Da mer aber au nid unbedingt es WunschLied hend, wo ein MUSS bidr Trauung wär (usser sAveMaria) chunds üs nid soo druf ah. Und mer sind nid bös, hend mer das chönne abgäh. Mer dänket, dass Organistin sicher epis schöns zämestellt.

* mier freuet üs ufe 2.7.2011 und säget JA zunenand *

Zitieren

18.04.11 18:09 Michi79 nicht registriert	Re: Juli 2011 Hallo, ich hürote au im Juli!! Zivil am 9.7.2011 und kirchlich e Wuche später am 16.7.2011 Bin scho mega gspannt, die Zyt rast.... Verlobt 6.10.2010 Zivil 9.7.2011 Kirchlich 16.7.2011
	Zitieren

1 2 3 4 5 .. 15

Tiffany-Girl langsam zunenand entschiede Witterigsbedingige Tischdeko Wünsche Tischchärtli Pfarrer Schlumpf Vorbereitigs-Stress Restaurant kirchlich Irgendwie verlobt wunderschöne Chindheitserinnerige unterhaltigsmässig eigentlich Trinidattli