Hallo bald Fraue
Bin da chli am umestöbere gsy und denn gsehni da die gruppe august15 und denk oooh gliichgsinnti...
Mir gebed eus nach langer ziit am 22.8 s ja wort am morge standesamt und am namitag chile
Mir sind scho zimli guet draa:
Scho organisiert:
-chleid und accesoires brut
-ring
-ringchüssi und bluemechörbli
-florist
-restaurant
-torte
-zimli di ganz deko
-gastgschenkli
-iladige
-DJ

No zum mache:
-Couffeur sueche da duni mi schwer
-standesamtchleid
-azug und schueh vom GG
-apero nach de chile

Ooojee es isch so vil i mim chopf hani öppis vegesse? Ich freu mich über tipps und interessanti gspröch mit eu

Hoi Diva:
Du bisch scho recht guet dra.
Vo wellere Region bisch den du, vilicht chan i dir jo Idee geh

Kosmetikerin bruchsch nid? Schminksch di sleber?
Was weisch nid bim Apero? WO oder Was?

Hey Diva

Jetzt beni grad froh z läse, dass euchi trauig au scho am 11i esch. eusi esch am 11.30. han chönne irechte, dass Coiffeuse ond d make-up Frau zo mer hei chöme. so sets möglech si, dass sie mech, mis mami ond mini trauzügin chönd schmenke ond frisiere. das set guet klappe.

soscht send ehr super dra. ech be im momänt a de gastgschänkli. macht mer nochli chopf-zerbräche wäg de farbe. ond set mech de mol no einisch öberwende zom häre setze ond bastle.

es ring-chössi hämmer nonig. weis aber au nonig i weli rechtig mer wänd. evt. gets den en holz-schatulle woni schön wörd lackieren, beschriften ond so ond d ring det ine legge..

soscht esch folgends no erledigt:

-azug bräutigam
- Kleid ist angekommen - Anprobetermin hani im Juni abgmacht.

to do (nächstens...):
- Deko kaufen
- Unterwäsche kaufen (was händ ehr do för plän?)

wie wiit send die andere so?

Hallo mitenand

@seri: Ich bin au am Bruuttreff :)

Mir händ am Wuchenänd es paar Sache chönne mache. Händ d Sängerin für d Chile nomal um es Agebot agfröget, die letschte Iiladige adressiert, sind d Offerte vo dä Abiglocation nomal duregange und händ dä Wii bstellt :)

Als nächsts chunnt dä Termin mit dä Floristin. D Deko für d Tisch isch eigentlich sowiit au kauft.

Unterwösch gangi wahrschindli eifach emal go umegüggsle. Manor, Jelmoli... etc. Da wird sich scho öppis schöns finde :)

Das tönd ja bi eu au richtig guet organisiert
Mit hend mittlerwile de azug vo mim schatz gfunde und bstellt
De couffeur isch au organisiert
Bim restaurant settemer ezt denn mal go rede
Chunt mer denn da e normali offerte über oder wie lauft das ab
Muni bim gspröch was bestimmts abkläre?
Standesamtkleid isch nachwie vor schwiriger
Aber da findi denn schono was
Unterwösch weissi au nöd recht ich han zwar e ihgarbeiteti corsage im
Kleid aber han au recht e grossi oberwiiti drumm weissi nanid obi eifach en trägerlose bh oder e bh-corsage sell drunder alege

Also s menü wüssedmer scho was mer möchted
Was bespricht mer den no? Gits denn au sowas wi e getränke pauschale?! Ich chum eifach nöd druus bzw han sowas no nie organisiert und will ja au nöd das si mir was ufschnored oder so